Son aylar Amerikanın böyük texnoloji şirkətlərin ciddi sayda ixtisarlara başladığı xəbər edilir. Bundan əlavə, son IV rüb üzrə iri şirkətlərin maliyyə hesabatları da FED tərəfindən yürüdülən sərt monetar siyasət zəminində ürəkaçan olmamışdır. Bu səbəbdən də Amerikanın fond indeksləri (SP500, DowJ və Nasdaq) müqavimət seviyyələrini qıra bilmirlər. Bunun təbii nəticəsi kimi artıq bu həftədən iki böyük bankın müflis elan edilməsi xəbərləri gəlməyə başlayıb. Silvergate və SVB. Beləliklə, məşğulların sayında deyişim balansında müsbət saldo qeydə alınsa da gorünən odur ki, yaxşı məvacib müstəvisində Amerika iqtisadiyyatı geriləməkdədir. 

2023-cü ilin I rübünün iqtisadi mənzərəsi Lehman Brothers böhranı nümunəsi ilə oxşarlıq təşkil etməsi fonunda çoxlarını həyacana təşviq etməsə də, bu dəfə iqtisadiyyata dəstək olmaq üçün pul-kredit siyasətinin yumşaldılmasına imkanın olmaması narahat edicidir. 2007/8-ci illər maliyyə böhranında monetar siyasət yumşaldılmağa başlandı. Bu gün isə ABŞ və digər aparıcı G7 ölkələrində inflyasiya yüksək olaraq qalır və inkişaf etməkdə olan ölkələrdən də idxal edilir. Belə şəraitdə mərkəzi bank faizlərini çətin salsın. 

Enerji birjalarında neft qiymətlərinin ucuzlaşması, qabaqcıl sənaye ölkələrində istehsal qiymətlərini salmaqla inflyasiyaya müsbət təsir etsə də digər tərəfdən neft ölkələrində yaşanılacaq gəlir böhranından qərb yarımkürəsi qrağda qala bilməyəcəkdir.  Qlobal siyasi mühit də yenidən gərginləşir. Geosiyasi böhranlar dərinləşir. 

Bəzi iqtisadçılar qərbin borc pul hesabına yaşadığını, digər proseslərdən özlərini qoruya bildiklərini düşünsələr də bir reallıq da unudulmamalıdır. ABŞ və Avropada siyasi qarşıdurma da yaşanmaqdadır. Bu, xüsusilə, infrastruktur islahatlarını ləngidə bilər ki, monetar siyasətin yumşaldılması bu zaman rifaha və inkişafa müsbət təsiri olmayacaqdır. Hökümətin iqtisadi təşviqi ilə maliyyə siyasəti bərabər hərəkət etməlidirlər. Bunun tarixi təcrübəsi artıq yaşanılıb. Qərbin son maliyyə böhranından çıxdığını demək tam düzgün olmazdır. Yeni dövrün alternativ enerji və elektrik avtomobilləri sahəsində işlər ləng getdiyi üçün iqtisadiyyatlar da çox həssasdır. Dayanıqlıq təmin edilmədiyi üçün inkişaf göstəricilər çox oynaqdır.