Dünyanın 2024-cü ildə vəziyyəti müharibələrin artması və dərinləşməsidir. Belə bir şəraitdə investor və treyderlər də mövqe almağa çalışırlar. Müharibələr və siyasi qarşıdurmalar haqqında danışarkən isə ilk ağıla gələn Rusiya və Ukrayna müharibəsidir. Bu fonda təhlillər isə coğrafi rəqabətin yeni ildə daha da kəskinləşə biləcəyini deməyə əsas verir. Bunun birjalarda qiymətlərə təsirini isə aşağıda açacağıq. 

Rusiya martın ortasında prezident seçkilərinə gedir və mövcud aparatın qalib gələcəyi də sirr deyil. Putin seçkilərdən qalib çıxmasından siyasi ambisiyaları üçün də uğurla istifadə edəcəkdir. Ukrayna üzərində irəliləmək isə Avropaya qarşı təzyiqlərin artması deməkdir. Mövzu daha çox yatırımlar və ticarətlərlə əlaqəli olduğu üçün bu mövzuda çox detallara varmaq istəmirik. 

Sözümüzün canı odur ki, bu il həm Avrozona iqtisadiyyatına, həm də valyutası - EUR-ya qarşı müqavimət də güclənəcəkdir, xüsusilə də şərqdən artan siyasi risklər fonunda. Avropanın emal sənayesi üzrə PMI-ı bir ildən, xidmət sektoru yarım ildən çoxdur 50 punktun altından çıxa bilmir. Avropanın iki lideri - Almaniya və Fransada vəziyyət daha ciddidir. Avrozonada inflyasiyanın diblərdə - 3 %-ın altında olması da daxili bazarda tələbin və aktivliyin aşağı olmasından xəbər verir. Almaniyanın DAX və Fransanın CAC fond indekslərində yüksəliş müşahidə edilməsinə baxmayaraq, güclü dinamikadan söz gedə bilməz və bu, hər an çöküşün yaşanıla biləcəyinə dair riskləri artırıb. Onu da əlavə etmək olar ki, birjalarda listinq olunmuş Avropanın qabaqcıl şirkətlərində yüksəliş avrodaki ucuzlaşma ilə əlaqəlidir. EURUSD məzənnəsində ucuzlaşma, xaricdə avropa mallarına tələbi artırıb. 

İngiltərəyə gəldikdə, eyni fikirləri paylaşırıq. Burada vəziyyət breksit ilə əlaqədar daha ağırdır və FTSE indeksində artıq çöküş başlayıb. Yaponiyanı da qərb alyansı daxilində qiymətləndirsək, fundamental vəziyyət geriləyir və yaxşılaşacağına dair də siqnallar yoxdur. 

Qərb alyansı demişkən, burada cəmiyyət daxilində sosioloji fikir ayrılıqları da diqqət mərkəzindədir. Şərqə qarşı effektli və güclü birləşə biləcəkləri sualına cavab isə iyunun və noyabrında əvvəlində müvafiq olaraq baş tutacaq, Avropa parlament, ABŞ prezident seçkilərində veriləcəkdir. Yaponiya parlamentində də mübarizə kəskinləşib və il ərzində növbədənkənar xüsusi seçkilərin keçirilməsi planlaşdırılır. 

Amerikaya ayrıca gəlməli olsaq, bütün bunlardan daha təmiz çıxacağı görünür, çünki inkişaf etmiş ölkələrin yeganə dominant hesab etdiyi valyuta dollardır, iqtisadiyyatı isə həmişə olduğu kimi siyasi və hərbi risklərdən nisbətən uzaq qalmış olacaqdır. 

Bütün yuxarıdakı fundamental mənzərəni maliyyə alətlərinə təsiri baxımından bir arada analiz etsək, aşağıdaki qənaətə gəlmiş olarıq. 

İlk növbədə, EURUSD, GBPUSD və JPYUSD məzənnələrində enişin davam edəcəyi, yəni dolların bahalaşacağı proqnozlaşdırılır. Avro üçün 1.09, funt sterlinq üçün 1.26, yen üçün 0.01 $ önəmli müqavimət rolunu oynayacaqdır. USDJPY üçün isə 140 yen önəmli dəstək səviyyəsidir. 

Kriptovalyuta birjalarında bitkoinin zirvələrini yeniləməkdə davam edəcəyi ehtimal edilir. Söhbət ilkin olaraq 52 və 63 000 $-dan gedir. Qızılın isə dünyanın geniş imkanları qarşısında geri qalacağı, hətta ucuzlaşmaqda davam edəcəyi proqnozlaşdırılır. XAUUSD üçün önəmli müqavimət rolunu 2000 $ oynayacaqdır. 

Sonda həftəlik texniki analizlərimizi izləməyi də unutmamaq şərtilə Sizə cari ildə uğurlar arzulayırıq! 

Maliyyə bazarlarında qazanmağı öyrədirik!

Yalnız 99 AZN ödəməklə Qlobal Trend Analizi adlı təlimə başlaya bilərsiniz. 

Sərvətinizi artırmaq üçün aşağıdakı nömrənin bağlı olduğu "WhatApp"-a indi yaza bilərsiniz.