Embedded Files
Neft yenidən 80 $-ın üzərində
24.12.22
Sentyabrda dolların ucuzlaşması fonunda dəstək görən Avropanın Brent markalı neftin bir barel qiyməti noyabrın əvvəlində yenidən 101 $-da müqavimətlə rastlaşaraq dəyər itirdi və 83.60 $ dəstəyini də qıraraq 77 $ ilə 2022-ci ilin minimumunu da yenilədi.
Bunun səbəbi isə Çində korona infeksiyalarının artması idi. Noyabrın 29-da yeni yoluxanların sayı 71 310-a çatmışdı və bu aprel ayının 29 520-dən iki dəfə çoxdur. Karantin rejiminin yenidən sərtləşdirən Çin, ABŞ-dan sonra dünyada ən çox neft istehlak edən ölkə kimi enerji bazarında tələbin azalmasına səbəb oldu.
Lakin "OPEC"-in riskləri əvvəlcədən nəzərə alaraq, istehsal həcmini yenidən məhdudlaşdırması, Kommunist partiyanın ölkədə başlayan güclü iğtişaşlardan sonra sosial-iqtisadi Kovid məhdudiyyətlərini yumşaltması və gələn ildə neftə olan tələbin artacağı proqnozları ilə əlaqədar qiymətlər yenidən bahalaşdı. Hazırda bir bareli 84 $-a ticarət edilir.
Qlobal iqtisadiyyatda qeyri-müəyyənlik yüksək olaraq qalır və önəmli iqtisadiyyatlarda risklər aşağı istiqamətlənib, inkişaf amilləri də müşahidə edilir ki, bu da bir tərəfdən cari və gələcək çətinlikləri balanslaşdırır, deyə "OPEC" aylıq hesabatında Çin ilə əlaqədar yazıb. Hesabatda göstərilir ki, çinlilərin neftə olan tələbi sərt korona tədbirləri üzündən 2022-ci ildə günlük olaraq 180 000 barel azalıb (2021-ci il ilə müqayisədə). Neft ixrac edən ölkələrin istehsalı noyabrda 28.8 milyon barelə kimi 744 000 barel azalmışdır. Səudiyyə Ərəbistanı və İrak istehsalın azaldılması qərarı fonunda daha çox əyləcə sıxmışdı.
Google Sites
Report abuse